सिमान्तMarginal

बिकास समिकरणको सूत्र

दिदी! म आर्को तिहारमा आउँछु है

(कविता)

दिदी!

यस पालि पनि तिहारमा आउन पाइन

एक थुॅगो मखमलि, सयपत्री, दुवो

कचौरीमा तेल साॅचेर राखिदिनु

आशिष दिनु-शक्तिशाली भएर आएस’

परार साल जंगलिले धर्म मान्न दिएनन

काटेको टिकट पनि

वाचक शिरोमणी मारिएको खवर सुनें, र 

रद्ध गरिदिएॅ,

पोहर साल भुकम्पले बाटोघाटो भत्काइदियो

दशैँमा आमाको हातको टिका थाप्न पाइएन,

यस पालि पक्कै आउॅछु, भनेको थिएॅ

छिमेकका आफ्नै हिंदु बंशले

नाकाबन्दी लगाई दिए

फेरि पनि तिहारमा आउन पाईन

चाडवाड खुशी त,

मेरो लागि होइन रहेछ !!

हो- दिदी, हेर !

मेरो आॅसू बगेको धेरै भयो

अब नदिनाला बनीसकेछन

कोशी, कर्णाली महाकाली भईसकेछन

पोखराको बगरमा सेती भएर धसिएको छु

कोशी, कर्णाली महाकालीमा

खान नपाउने भएर हेपिएको छु

म सुसाइरहेको छु चिच्याइ रहेको छु

तर आजसम्म कसैले मेरो चित्कार सुनेन

त्यसैले दिदी!

त्यहाँ आश छैन, गाँस छैन र बास छैन !

दिदी !

तिमी पनि त विना दिपको दिपावलि गर्दैछौ

छिमेकिले तिमीलाई पनि सताएको

सेल पोल्ने ग्याँस पाइेएको छैन !

पेट्रोल नपाएर-

भाई आउने गाडी पनि चलेका छैनन !

चिसो-काँचो दाउरा ठोस्दै;

धुवाँमा ढाकिएर भातको जोहो गर्दैछौ !

हामीले चाडबाड मनाउन नपाउँदा रमाउने त

हाम्रै भाई-भतिजाहरु रहेछन!

एक ट्वाक रक्सिमा

छिमेकी उचाल्ने त यिनै हुन अरे!

तर कस्तै दु:खमा पनि

तिमिलाई अबिचलित देख्दा,

मलाई प्रेरणा मिलेकोछ ।

दिदी !

त्यही मखमली, कटुस ओखर थुपारेर

एउटा ठूलो बाँध बसाइ देउ

दुबोले जेलेर बलियो बनाइदेउ

अनी सेतीमा धसिएको मेरो आँसु

कोशी, कर्णाली महाकालीमा बगेका आँसु

सँगालेर योजना बनाइदेउ

अर्को साल तिहारमा आउँदा

तिमीलाई झलमल्ल बिजुली, ग्याँस, पैसा

धन दौलथ सबै कुरा लिएर आउने छु

अनी त्यही काँचो सेल भात पकाएर खाउँला

त्यो दुष्ट छिमेकिलाई पनि

निम्तो दिउँला एक छाक चखाउँला

त्यसैले दिदी !

मेरो परेलिमै ओखर कटुस थुपारिदेउ

बगेको आँसुमा बाँध बसाइदेउ

म ज्योति दिन्छु, बिजुली दिन्छु

सट्टामा एक थुँगा सयपत्री देउ

त्यसैमा हुन्छ, शक्ति देउ

अर्को साल भेटने वाचा वन्धन र भक्ती देउ,

वाचा वन्धन र भक्ती देउ । 

share rule

©जगदीश, 10/11/15

dipaawali

%d bloggers like this: